Debate të ashpër gjatë zgjedhjeve paraprake republikane, Heley deklaron se votojë për Trump 23/05 07:24
“Është si njëfarë kampingu në stacion, por nuk ka plazh e diell”, thotë një udhëtar që bashkë me qindra të tjerë presin në stacionin Gare du Nord në Paris.
Zhvillimi vjen prej vonesave e anulimeve të udhëtimeve për arsye të ndryshme, siç ishte kësaj radhe një “problem energjie elektrike” pranë kryeqytetit francez.
Prindërit e Philomène kanë ardhur tashmë te ajo në stacion pas disa orë vonese të trenit të saj për në Londër.
“Ne u ndamë në mëngjes por më pas ajo telefonoi duke thënë se në stacion ka panik dhe se ndjehej e pasigurtë, prandaj erdhëm ta shoqërojmë”, thotë nëna e vajzës.
“Kështu që u veshëm dhe erdhëm të gjithë. Tani po bejmë një lojë për të kaluar kohën, duke pritur trenin”, shton gruaja.
Londinezi Charles Allan, thotë se po pret trenin prej katër orësh dhe se trembet mos humbet udhëtimin.
“Kam njohur disa shokë të rinj ketu … Nuk mund të largohem sepse mund të humbas trenin, tani duhet të isha në shtëpi, të bëhesha gati për punë nesër”.
Valentine, e cila kërkon të udhëtojë drejt veriut të Francës, thotë:
“Treni im duhet të nisej në 4.35 por pas dy-tre orë vonesë, u anullua dhe duhet të marra atë të orës 7.04, besoj se mund ta përballoj.”
“Duhet të ketë një çështje organizimi, nuk gjen dot një punonjës të hekurudhave për ta pyetur pasi ka aq shumë pasagjerë të vonuar”.
Top Channel
