Aktakuzë ndaj tre personave për krime lufte në Kosovë 21/03 17:05
Në një dhomë të vogël në Pallatin e Kulturës në Gjakovë kryen punët ditore shoqata “Krimet e Luftës, Gjakova ’98 – ‘99”.
Në këtë hapësirë, Shkendije Hoda shpalosë mijëra fotografitë që ka shkrepur ajo pas luftës e që dëshmojnë për masakrat në këtë qytet.
Provat që ajo ka mbledhur që nga paslufta tashmë janë dërguar edhe në Polici që të vazhdohen hetimet për krimet e kryera.
E këto fotografi dëshmojnë disa prej krimeve më të tmerrshme të luftës në Kosovë.
Hoda shpreson që me listat e emrave të 7300 të dyshuarve për këto krime një ditë të ngritet edhe ndonjë aktakuzë.
Për dhjetëra masakrat e kryera në Gjakovë nga serbët gjatë viteve ’98 – ’99, 23 vjet pas luftës nuk është ngritur asnjë aktakuzë, përkundër që kjo shoqatë ka dorëzuar në Policinë e Kosovës qindra kallëzime penale.
Top Channel
