FOTO/ Incident i pakëndshëm për këngëtaren e njohur italiane, i bie fustani gjatë performancës live dhe i zbulohet…
14/11 14:17
Rosemary Penwarden thotë se automjeti që karikohet nga panelet diellore në çatinë e shtepisë, ka ecur pa probleme prej tre vjetësh dhe falenderon kompanitë e naftës për motivimin.
Gruaja nga Zelanda e Re ka konvertuar një makinë 29-vjeçare në automjet artizanal elektrik, “vetëm për të treguar se mund të bëhet”.
Penwarden ka drejtuar mjetin e saj të konvertuar në ishullin South Island pasi bashkë me një mikun e saj punuan për tetë muaj deri në realizimin e projektit.
“Duhet të jesh pak i çmendur për këtë, por falenderoj kompanitë e naftës që më dhanë motivimin”.
Penwarden bleu trupin e makinës së vitit 1993 nga një parking dhe e hoqi vetë motorin e saj me djegie.
Ajo e zëvendësoi atë me një ‘kambio’ të re marshi dhe motor elektrik dhe më pas mbushi hapësirat boshe të bagazhit dhe motorit me bateri.
Penwarden thotë se i gjithë projekti i kishte kushtuar $20,000 dhe pas disa vitesh duke udhëtuar me të, shpikja e saj erdhi në vëmendjen e gazetarëve lokalë.
Inxhinieri i ftohjes Hagen Bruggemann, i cili ndihmoi Penwarden të konvertonte makinën, ka bërë tashmë tetë konvertime të tilla. “mund të flasësh sa të duash për këto përrallat e mjedisit por duhet t’i realizosh në të vërtetë”, thotë ai.
Penwarden është një aktiviste e mjedisit por pranon se koha dhe përpjekjet që i kushtoi konvertimit të makinës, nuk mund të gjenden nga kushdo.
Ajo thotë se makina do të shpërblejë shpenzimet e bëra pasi dikur shpenzonte $100 në javë për të udhëtuar në punë.
“Vetëm fakti që po tregoj se çfarë mund të bëjë vetë njeriu, është i paçmueshëm,” thotë ajo.
Top Channel
