Plot 32 urdhërarreste janë firmosur një ditë më parë nga gjyqtarja e Posaccme Atalanta Zeqiraj, kërkesë e cila i është drejtuar prokurorëve të SPAK.
Gazetarja Anila Hoxha tha për Top Channel, se operacioni i koordinuar nga FNSH, dhe RENEA është shtrirë sot në disa qytete të vendit, si në Elbasan, Tiranë, Peqin e Kavajë.
Në kryeqytet forcat e policisë kanë rrethuar zonën në një kompleks te Liqenit të Thatë, dhe te stadiumi Dinamo, ndërrkohë i gjithë qarku i Elbasanit ka qenë i “pushtuar” nga forcat RENEA.
Burimet thanë për Anila Hoxhën se janë të paktën 6 dosje që janë bashkuar dhe janë zbardhur disa vrasje.
Por ndërsa kontrollet nuk kanë mundur të vënë në pranga bosët e krimit, gjyqtarja Zeqiraj ka firmosur urdhër arreste për Ervis Martinajn, Suel Çelën e Florenc Çapjen, të cilët janë shpallur në kërkim.
Është kapur me akuzën e vrasjes në Peqin nga forcat e RENEA-s në kuadër të operacionit të SPAK, Fatos Goca, që akuzohet për vrasje në kuadër të grupit kriminal, ndërsa ka persona të tjerë të shpallu në kërkim dhe që konsiderohen si pjesë e krimit të organizuar të akuzuar për një sërë vrasjesh jo vetëm të kohëve të fundit, por edhe vrasje të vjetra. Në rrjetat e përgjimit kanë rënë gjithashtu edhe oficerë policie.
Top Channel
