Akuzohet për marrje ryshfeti, ligjvënësi Cuellar: Do vazhdoj fushatën për një mandat tjetër 04/05 22:16
Në ditën e 74-të të luftës, Ukraina është tronditur nga bombardimi i një shkolle në Luhansk, që dyshohet se ka lënë të vdekur më shumë se 60 persona.
Shkolla, e cila ndodhej në Bilohorivka strehonte 90 civilë të larguar nga luftimet e ashpra, ndërsa guvernatori Serhiy Gaidai u shpreh se 30 prej tyre arritën të shpëtonin prej ndërhyrjes së zjarrfikëses. Më pas në gërmimin e rrënojave u konfirmua vdekja e 2 fëmijëve, ndërsa trupat e tjerë dyshohet të kenë mbetur nën rrënojat e ndërtesës së djegur.
Por, mbështetja ndërkombëtare dhe solidarizimi nuk mungon për Ukrainën. Zonja e Parë e SHBA-së Jill Biden bëri një vizitë të paparalajmëruar në Ukrainë, duke kaluar kufirin nga Sllovakia dhe takoi homologen e saj ukrainase Olena Zelenska në një shkollë që strehon civilë, përfshirë fëmijë të zhvendosur nga konflikti.
“Doja të vija në ditën e nënës. Mendova se ishte e rëndësishme t’i tregoja popullit ukrainas se kjo luftë duhet të ndalet dhe kjo luftë ka qenë brutale dhe se populli i Shteteve të Bashkuara qëndron me popullin e Ukrainës,”- Tha Jill Biden.
Kjo vizitë shënoi edhe paraqitjen e parë publike të zonjës Zelensky qëkur Rusia pushtoi Ukrainën më 24 shkurt. Zonja e parë e Ukrainës falënderoi Biden “për këtë akt shumë të guximshëm”.
Në Ukrainë u shfaq në mënyrë befasuese edhe vokalisti i grupi iralndez U2, Bono. ai këndoi në metro në një koncert simbolik të lirisë në Kiev përpara një publiku të vogël, që përfshinte edhe ushtarë ukrainas. Bono vlerësoi luftën e Ukrainës për “liri” dhe bëri një lutjen “për paqe”.
Top Channel
