Të shtëna në një shkollë të mesme në Teksas, vdes një student! Arrestohet 17-vjeçari 25/04 09:44
Presidenti ukrainas Volodymyr Zelensky ka akuzuar Rusinë për zbatimin e një mënyre luftimi të ngjashme me nazizmin.
Në një fjalim për të përkujtuar Luftën e Dytë Botërore, ai tha se ushtria ruse po përsëriste “mizoritë” naziste gjatë pushtimit të vendit të tij.
“Errësira është kthyer në Ukrainë dhe është bërë sërish bardh e zi. E keqja është kthyer, me uniformë të ndryshme, me slogane të ndryshme, por për të njëjtin qëllim”, tha ai në adresën e tij video.
Në video ai gjithashtu shfaqi pamjet të arkivuara të Luftës së Dytë Botërore dhe pamjet bardh e zi të pushtimit rus.
Referencat e Zelenskyt ndaj nazizmit duket se janë një përpjekje për ta kthyer gjuhën e Vladimir Putin kundër tij.
Rusia e ka justifikuar ofensivën e saj në Ukrainë si një “operacion special” për të “çmilitarizuar” dhe “denazifikuar” fqinjin e saj.
Top Channel
