![](https://top-channel.tv/wp-content/uploads/2024/09/MixCollage-07-Sep-2024-05-33-PM-5997-800x450.jpg)
Zëdhënësi i Ministrisë së Jashtme të Jordanisë, Haitham Abul Foul tha sot se “Të gjithë 144 hektarët e Mesxhid al-Aksa janë vende adhurimi për besimtarët muslimanë”
Jordania ka reaguar ndaj bastisjeve të hebrenjve fanatikë dhe policisë izraelite në Mesxhid al-Aksa dhe i ka bërë thirrje qeverisë së Tel Avivit që të ndalojë bastisjet, shkruan agjencia shtetërore turke Anadolu Agency.
Zëdhënësi i Ministrisë së Punëve të Jashtme të Jordanisë, Haitham Abul Foul bëri një deklaratë me shkrim në lidhje me bastisjen e kolonëve fanatikë hebrenj në Mesxhid al-Aksa.
Në deklaratë, Abul Foul tha: “Të gjithë 144 hektarët e Mesxhid al-Aksasë janë vende adhurimi për muslimanët”.
“Mesxhid al-Aksa është nën kujdesin e Administratës së Fondacioneve Islame të Kudsit, e cila është e lidhur me Ministrinë Jordaneze të Fondacioneve, Çështjeve Islame dhe Shenjtërisë. Abul Foul deklaroi se vizitat jo-muslimane në Mesxhid al-Aksa duhet të organizohen nga Administrata e Fondacioneve Islame të Kudsit”, shjtoi ai.
Abul Foul i bëri thirrje Izraelit që të ndalojë këto bastisje dhe të respektojë shenjtërinë e Al-Aksës.
Bastisje nga hebrenjtë fanatikë
Rreth 600 kolonë fanatikë hebrenj, të shoqëruar nga policia izraelite hynë në oborrin e Mesxhid al-Aksa në Jeruzalemin Lindor në mëngjes, me pretekstin e ditës së themelimit të Izraelit.
Rreth 50 palestinezë që protestonin kundër bastisjes së hebrenjve në Al-Aksa u arrestuan nga policia izraelite.
Sipas traktatit të paqes të nënshkruar ndërmjet Izraelit dhe Jordanisë më 26 tetor 1994, Mesxhid al-Aksa është nën kujdesin e Administratës së Fondacioneve Islame të Kudsit, e cila është e lidhur me Ministrinë Jordaneze të Fondacioneve, Çështjeve Islame dhe Shenjtërisë faltore e shoqëruar nga policia.
Duke i përshkruar këto hyrje force si ‘bastisje’, Administrata e Fondacioneve Islame të Kudsit deklaron se kjo cenon sovranitetin e muslimanëve./ Anadolu/
Top Channel