Nju Jork, mbyllet dita e tretë e dëshmive në gjyqin penal ndaj Trump 26/04 07:28
Një tjetër grup bashkëpunues mes OKB-së dhe Kryqit të Kuq është rrugës për në fabrikën e çelikut Azovstal, ku prej disa javësh kanë mbetur të bllokuar ukrainasit.
I dërguari i posaçëm i Kombeve të Bashkuara për Ukrainën, Martin Griffiths tha se një tjetër autokolonë evakuimi shpreson të arrijë në uzinën Azovstal në Mariupol nesër në mëngjes.
“Tani, kolona po vazhdon të arrijë në Azovstal deri nesër në mëngjes, me shpresë për të pritur ata civilë që kanë mbetur në atë ferr të zymtë për kaq shumë javë dhe muaj dhe për t’i çuar ata përsëri në siguri”, u shpreh Griffiths.
Ai foli në Konferencën e Donatorëve të Ukrainës në Varshavë dhe tha se OKB-ja po punonte me Kryqin e Kuq Ndërkombëtar për të çuar kolonën në Mariupol, siç bëri në operacionin për evakuimin e civilëve në Azovstal gjatë fundjavës.
Prej disa javësh fabrika e çelikut Azovstal po përballet me sulme intensive nga pala ruse, ndërsa sipas autoriteteve ukrainase kanë mbetur të bllokuar afërsisht 200 civilë.
Top Channel
