Kriza e gjyqësorit/ KLGJ: 11 vite për një gjyq! Në Apelin Administrativ presin 19 mijë dosje
01/05/2022 19:56
Dokumenti/ 8.8 ton ar hynë në thesar në ’44, në ’90 u numërua vetëm 1 ton, si u zhduk floriri i shtetit 04/05 22:57
Megjithëse po divorcoheshin me konsensus, klientët e avokatit Stefan Topalli ngecën në Gjykatën e Tiranës për 3 vjet, pavarësisht se një ndarje zgjat mesatarisht deri 3 muaj.
Shkak ishte mosformimi i trupës gjyqësore.
Ata donin të ndaheshin nuk i ndante gjykata , çifti ishte dakord dhe e sjell këtë shembull t’ju tregoj se çfarë kostoje ka për ata që kanë fëmije kur divorcet zgjasin|, tha avokati Stefan Topalli.
Gjendja përkeqësohet në apele që janë me vende vakante . Në Gjykatën e Apelit administrativ të Tiranës stoku ka shkuar 19 mijë çështje që presin.
Qytetarët që kanë dorëzuar padi në Gjykatën e Apelit administrative duhet të presin 11vite për të marrë drejtësi dhe këtë e thotë raporti i KLGJ bazuar në stokun e dosjeve.
Por koha e zgjidhjes së çështjeve deri në 2033 llogaritet me kushtin nëse kjo gjykatë do ishte e plotësuar me 13 anëtarë. Kurse në Gjykatën e Apelit administrativ kanë mbetur vetëm 6 anëtarë.
Situata pritet të bëhet kritike edhe në shkallët e para që vazhdojnë të boshatisen.
“Llogarisni ata që kanë bërë padi pensioni nuk i marrin kurrë sa të jenë gjallë . Kjo ka kosto ekonomike shoqërore morale”, tha avokati Erlis Qypi.
“Me këtë zgjatje mua do më duhet të përfaqësoj klientë që kanë ndërruar jetë”, tha avokati Ervis Gorishti.
Problem i vjetër mbetet Gjykata e Lartë e cila nëse do kishte 19 anëtarë do t’i nevojiten pesë vjet për të gjykuar 35 mijë dosjet e regjistruara deri ne 2021.
Por edhe Gjykata e Lartë vijon të mbetet e paplotësuar , pasi ka në organikë vetëm 12 gjyqtarë.
Top Channel
