Linja ajrore izraelite pezullon fluturimet për në Moskë, shkak bëhet… 26/12 18:55
Pamjet nga Mariupoli, me trupat e më shumë se 20 civilëve të vrarë që dergjen nëpër rrugë, risollën në kujtesë tmerret qytezës së Buchas, që nxitën thirrjet për të hetuar Rusinë për krime lufte në vendin e saj fqinj.
Imazhet nga Mariupoli vijnë në kohën kur Kombet e Bashkuara konfirmuan se po verifikojnë qindra pretendime për vrasje civilësh gjatë pushtimit të paprovokuar rus.
Qyteti port ka qenë prej javësh të tëra skenë luftimesh të përgjakshme mes forcave ruse e atyre ukrainase.
BBC konfirmoi lokacionet ku u gjetën trupat në Mariupol, të cilët ndodhën ne rrugën Boika. Sipas të intervistuarve, disa viktimat po shkonin të merrnin dokumentet e punës e janë vrarë nga snajperë, që shënjestronin ata të cilët kalonin në rrugë.
Më herët, zyrtarët ukrainas thanë se pamjet satelitore nga një zonë pranë Mariupolit me grumbuj dheu, treguan se ka varreza të reja masive. Lufta nuk tregoi shenja zbutjeje të premten, pasi Rusia goditi objektiva në Ukrainën lindore në një ofensivë të re për të marrë qendrën industriale të vendit.
Në Gjenevë, zyra e Kombeve të Bashkuara për të drejtat e njeriut tha se ka prova në rritje se Rusia ka kryer krime lufte në Ukrainë.
“Forcat e armatosura ruse kanë goditur me granata dhe bombarduar pa dallim zonat e populluara, duke vrarë civilë dhe duke shkatërruar spitale, shkolla dhe infrastrukturë tjetër civile, veprime që mund të përbëjnë krime lufte,” tha Michelle Bachelet, Komisionerja e Lartë e OKB-së për të Drejtat e Njeriut.
OKB-ja tha se duket se Ukraina ka përdorur gjithashtu armë pa diskriminim. Presidenti i Këshillit Evropian Charles Michel në një telefonatë të premten i kërkoi presidentit rus Vladimir Putin që të angazhohet drejtpërdrejt me homologun e tij ukrainas, Volodymyr Zelenskiy, dhe bëri thirrje për një armëpushim në Ukrainë.
Michel bëri thirrje gjithashtu për një armëpushim me rastin e Pashkëve Ortodokse dhe për një kalim të sigurt për civilët që kërkojnë të largohen nga qytetet e rrethuara si Mariupol.
Putin reagoi duke thënë se do të zhvillonte bisedime të drejtpërdrejta me homologun Zelensky vetëm nëse diskutimet e vazhdueshme midis dy vendeve japin rezultate konkrete
Top Channel
