Vit i pazakontë me gripin! Viruset zgjatën shumë dhe u shfaqën me agresive se herët e tjera
19/05 13:22
Ndërsa bota po përballet me luftën në Ukrainë, në muzeun arkeologjik të Durrësit u hap ekspozita mbi “Fatet e të mbijetuarve në Mathauzen”. Përmes fotove, dokumenteve dhe dëshmive hidhet dritë mbi pasojat e luftës dhe historitë njerëzore të shqiptarëve që u dërguan në kampet naziste të shfarosjes.
Stefan Konduri ishte një nga të mbijetuarit e kampit famëkeq të Mathauzenit që u arrestua me qindra shqiptarë të tjerë në Durrës, në nëntorin e vitit 1943, dhe u detyrua të digjte në krematorium shokët e tij, disa të vdekur e të tjerë gjysëm të gjallë.
Edhe Faslli Cekaj, pasardhës i një prej të mbijetuarve të kampit famëkeq kujton nga rrëfimet e të atit që doli i gjallë pas arratisjes, ndërsa thotë se kujtesa është forma më e mirë për t’u mbrojtur dhe mos përsëritur historinë.
Ekspozita do të qëndrojë e hapur deri më 11 prill në Durrës. Historia e dëshmuar në të është jo vetëm kujtesë dhe nderim për ata që nuk janë më, po dhe një thirrje për të mos e përsëritur historinë. Është një reflektim mbi pasojat e luftës edhe nevojën për paqe në një botë të trazuar nga konfliktet dhe së fundmi të tronditur thellë nga lufta në Ukrainë dhe pasojat e saj.
Top Channel
