Bosi i mafies bën dasmë tek kisha ku u varros armiku numër 1 i tyre, gjyqtari Falcone! Reagon prifti: Nuk e dinim që..
25/04 10:45
Askush nuk është mbi ligjin, shkroi në faqen e tij në Facebook kryeministri bullgar Kiril Petkov në ditën kur paraardhësit të vet i viheshin prangat për abuzim me fondet e BE-së. Bojko Borisov, ish-kryeministri i Bullgarisë, u arrestua mbrëmjen e së enjtes gjatë një aksioni policor që lidhej me hetimet e Zyrës së Prokurorit Publik Europian.
Gazeta bullgare Dnevnik thotë se janë arrestuar gjithashtu edhe ish-ministri i Financave Vladislav Goranov, ish-kryetarja e komisionit parlamentar të buxhetit Menda Stoyanova dhe këshilltarja e Borisovit për media, Sevdalina Arnaudova.
Në një lëvizje që mund të kthehet në një moment të madh llogaridhënie në Bullgari, u organizua një operacion madhor i lidhur me 120 raste mashtrimi të mundshëm që po hetohen nga Zyra e Prokurorit Evropian. Vetë prokurorja, Laura Codruța Kövesi, vizitoi Bullgarinë ditët e fundit, duke parashtruar aty mundësinë e veprimit ndaj abuzimeve të mëdha me fondet e bllokut europian në sektorë të tillë si bujqësia, ndërtimi dhe çështjet publike-problem këto që kanë e pllakosur Bullgarinë prej vitesh.
Avokati i Borisov, Menko Menkov, u tha gazetarëve se për momentin, ndaj ish kryeministrit nuk është ngritur padi. Ai u dërgua në paraburgim me mundësinë e ndalimit për 24 orë. Menkov tha më vonë se rasti i Borisov kishte të bënte me zhvatje dhe jo me abuzim të fondeve të BE-së. Partia GERB e tij është e përfaqësuar në Parlamentin e BE-së në grupin e partive popullore europiane.
Borisov, i cili dominoi politikën e Bullgarisë për më shumë se një dekadë, u detyrua të largohej nga pushteti në prill të vitit të kaluar nw mesin e nje krize që pushtoi vendin e përshkruar rëndom si më i korruptuari në Bashkimin Europian.
Top Channel
