Sulmet e Izraelit, ministri i Jashtëm Iranian: Një dështim i plotë, nuk shkaktuan asnjë dëm për ne 19/04 22:55
21 viktima janë shënuar nga një sulm në rajonin e Merefa, 25 km në veri të qytetit të Kharkiv.
Sulmi i cili ndodhi pasditen e së enjtes, shkatërroi një shkollë, duke lënë pas edhe shumë të plagosur rëndë.
Civilët në Kharkiv, qyteti i dytë më i madh i Ukrainës, janë sulmuar vazhdimisht nga Rusia që në fillim të pushtimit më 24 shkurt.
Po ashtu edhe qyteti i Chernihiv në juglindje të Kharkiv, ka pësuar dëme kolosale si pasojë e bombardimeve, ndërsa zyra e prokurorit të përgjithshëm tha se të paktën 10 veta u vranë të mërkurën ndërsa ishin në radhë për bukë.
Autoritetet vendase thonë se paktën 280 mijë njerëz strehohen ne bodrume dhe vende të tjera më të sigurta në qytet.
Chernihiv, i cili është afër me kufirin bjellorus dhe rus, ishte ndër të parat qytete të Ukrainës që u sulmua nga forcat ruse, që kur pushtimi filloi, 3 javë më parë.
Top Channel
