Akuzohet për marrje ryshfeti, ligjvënësi Cuellar: Do vazhdoj fushatën për një mandat tjetër 04/05 22:16
Të vegjëlve në Ukrainë po u mohohet fëmijëria e tyre, thotë një përfaqësues nga agjencia e OKB-së për fëmijë UNICEF.
Joe English, i cili ndodhet në qytetin perëndimor të Ukrainës, Lviv, i thotë BBC-së se UNICEF ka verifikuar vdekjen e 50 fëmijëve që nga pushtimi i Rusisë.
“Ka të ngjarë që numri i vërtetë të jetë shumë më i lartë“, thotë ai.
Më herët, autoritetet ukrainase thanë se të paktën 107 fëmijë ishin vrarë.
Me fëmijët që luajnë në një park në Lviv, English thotë se duket sikur “kjo mund të jetë çdo skenë në Evropë apo gjetkë në botë”.
“Por pak më në të djathtë ka një strehë për bomba, dhe kur kemi sirena këtu, këta fëmijë dinë se çfarë të bëjnë. Ata e dinë se është koha për të lënë gjithçka dhe për të hyrë në këto strehimore”, thotë ai.
“Kjo nuk është një fëmijëri. Ne duhet t’u ofrojmë këtyre fëmijëve paqe dhe një mundësi për të filluar rindërtimin e jetës së tyre.”
Top Channel
