Sulmet mbi disa rajone të vendit, Ukraina rrëzon nëntë dronë të Rusisë 16/04 21:19
Mbreti Philippe dhe Mbretëresha Mathilde e Belgjikës kanë vendosur të presin refugjatë ukrainas.
Pallati Mbretëror Belg ka konfirmuar për BBC se dy shtëpi në pronësi të Royal Trust të Belgjikës do të vihen në dispozicion për tre familje ukrainase.
Njëra prej shtëpive ndodhet në Bruksel dhe tjetra është në rajonin jugor të Ëallonisë.
Një zëdhënës i Pallatit Mbretëror i tha BBC-së se Mbreti Philippe ishte prekur nga dëshmitë e ukrainasve, kryesisht gra dhe fëmijë, ndërsa vizitoi një qendër regjistrimi në Bruksel të mërkurën.
Vendimi për të pritur u njoftua menjëherë pas vizitës. Kjo nuk është hera e parë që familja mbretërore e Belgjikës solidarizohet me personat në nevojë.
Verën e kaluar, njerëzit që humbën shtëpitë e tyre në përmbytjet më të këqija të vendit në dekada u ftuan gjithashtu të qëndrojnë në shtëpitë e tyre.
Një ndërtesë tjetër e vendosur pak jashtë Brukselit do të vihet gjithashtu në dispozicion për të shërbyer si banim kolektiv nëse kërkohet më shumë hapësirë.
Deri më tani më shumë se 10,000 refugjatë ukrainas janë regjistruar në Belgjikë dhe u është dhënë një mbrojtje e përkohshme ndërkombëtare dhe një status që u lejon atyre të jetojnë dhe punojnë në Belgjikë për një vit.
Autoritetet belge vlerësojnë se 200,000 ukrainas do të mbërrijnë në Belgjikë në javët e ardhshme.
Top Channel
