Dokumentari i “RAI 3”, gazetarët italianë grevë kundër qeverisë: Na ndërhyjnë në punë! Sindikatat të përçara: Është politike 26/04 12:07
Një këshilltar i presidentit të Ukrainës, ka thënë se propozimi rus që Ukraina të miratojë një neutralitet të stilit austriak është i papranueshëm për vendin.
Mykhailo Podoliak, një anëtar i ekipit negociator ukrainas, u tha mediave lokale se çdo marrëveshje paqeje duhet të jetë në kushte ukrainase që mbrojnë sovranitetin e saj.
“Ne e kuptojmë përpjekjen e partnerëve tanë për të qëndruar proaktivë në procesin e negociatave,” tha Podoliak.
Ai shtoi se Ukraina tani është në një gjendje lufte të drejtpërdrejtë me Rusinë.”
“Prandaj, modeli mund të jetë vetëm “ukrainas” dhe vetëm me garanci sigurie të verifikuara ligjërisht. Dhe asnjë model apo opsion tjetër.”
Më herët, zëdhënësi i Kremlinit Dmitry Peskov tha se Rusia ishte e hapur për një marrëveshje paqeje që pa një Ukrainë neutrale të mbajë ushtrinë dhe marinën e saj, përgjatë vijave të Austrisë ose Suedisë.
Top Channel
