Protesta në Tiranë/ Qytetarët marshojnë në bulevard, brohorasin njëzëri: Asnjë lekë më shumë
11/03/2022 19:09
IKMT ‘zbarkon’ në Velipojë! Nis aksioni për prishjen e ndërtimeve pa leje buzë detit 20/04 09:56
Në ditën e tretë të protestës kundër rritjes së çmimeve, qytetarët kanë qëndruar për rreth 2 orë para kryeministrisë dhe më pas kanë nisur marshimin në bulevard duke bllokuar rrugët.
“Populli i bashkuar” dhe “Asnjë lekë më shumë” dëgjohen duke brohoritur njëzëri protestuesit.
Para pak çastesh, me anë të një postimi në Twitter, Rama thotë se nuk është populli, por pakica e zhurmshme në kërkim të rrëmujës. Sipas tij, protestat janë përpjekje e ulët e të njëjtave hije të së shkuarës duke iu referuar opozitës që e cilëson ndryshe si “dorën e nongratave të shpallur e të pashpallur”.
“Për kë e njeh dorën e nongratave të shpallur e të pashpallur, këto protesta janë një përpjekje e ulët e të njëjtave hije të së shkuarës për të manipuluar njerëzit duke hedhur gurin e fshehur dorën! Ky nuk është populli, por e njëjta pakicë e zhurmshme në kërkim të rrëmujës!”, shkruan Rama.
Top Channel
