Pa Filtra/ “Kalova në depresion pas lindjes”, rrëfimi prekës i Françeska Muratit: Eksperienca më e keqe në jetë, doja vetëm të… 22/12 20:40
Vjedhësja ishte duke u kujdesur për gruan e moshuar me sëmundjen degjenerative të Parkinson, por shpenzonte paratë e saj pa kriter në rrjete si Amazon e eBay duke futur gjithnjë e më shumë në borxh me bankën personin për të cilën kujdesej.
32 vjeçarja egoiste Nicola Brimage ksihte marrë më shumë se 6,000 paundë nga llogria e gruas 78-vjeçare me Parkinson, duke e lënë pensionisten të shokuar dhe në overdraft me bankën, shkruante e përditshmja Liverpool Echo reports.
Brimage shpenzonte paratë për objekte zbavitjeje në Amazon, eBay e PayPal, duke përdorur më shumë se 300 here emrin dhe të dhënat e saj dhe te të moshuarës për blerjet.
Në seancën gjyqësore dje në Liverpool, Brimage ankohej se “nuk mund të ndalonte ” valën e fiksuar të shpenzimeve.
Kur në gjykatë u lexua deklarata e viktimës, Brimage nisi të përlotej.
Prokurori Paul Blasbery, tha: “Viktima i kishte dhënë shumë besim Nicolas. Ajo e respektonte dhe e pëlqente prej shërbimit që i kishte bërë. Kur zbuloi se Nicola i kishte vjedhur gjithë këto para ajo u shokua”.
“Ajo mendonte se mund të kishte besim te Nicola dhe kujdestarët e tjerë. Gruaja tha se i kishte dhënë një herë hua Nicolas 50 paundë kur ajo i kishte thënë se i ishin mbaruar paratë, por ajo përsëri përfitoi prej dobësisë së saj”.
Në gjykatë u tha se Brimage ndihmonte viktimën të bënte pazarin dhe të tërhiqte para me kartën e automatit, edhe pse kjo e fudit është kundër rregullave të agjencisë së kujdesit për të cilën Brimage punonte.
Vjedhjet kishin ndodhur mes shkurtit 2021 korrikut 2021, dhe u ekspozuan kur banka kontaktoi me gruan për t’i thënë se llogaria e saj kishte kaluar në overdraft nga blerjet dhe tërheqjet.
Zyrtarët që hetonin krimin thanë se kujdestarja e të moshuarës kishte përdorur emrin e vet në blerjet që arrinin në 5,948.50 paundë.
Prokuroria tha se artikujt e blerë nga Brimage nuk ishin asnjëri”sende esenciale jetese” por “aparate të përgjithshme shtëpie dhe sende luksi”.
Brimage nuk kishte dënime të mëparshme.
Avokati i mbrojtjes Ben Berkson, tha: “Asgjë që unë do të them nuk mund të justifikojë krimin gjakftohtë që është kryer, por Brimage është një vajzë e re që ka shpenzuar shumë kohë duke u kujdesur për më të dobëtit dhe në kohën e krimeve ishte në një periudhë të ulët personale e psikologjike”.
Mbrojtja shtoi se Brimage kishte vuajtur nga dhuna e një ish-partneri dhe më pas ishte diagnostikuar me ankth e depresion.
Gjykatësi Michael Blakey dënoi Brimage me 12 muaj burg, të pezulluara, si dhe 80 orë punë të papaguar dhe një program 15-ditor rehabilitimi.
Top Channel
