Një i dënuar me burg ka bërë një shenjë në fletën e votimit për të treguar mbështetjen ndaj kandidates së PS për bashkinë e Durrësit.
Në fotografinë e siguruar nga Top Channel, duket se ka viztuar një zemër me shigjetë në kuadratin pranë emrit të Emiriana Sakos.
Kjo tregoi qartë se zgjedhësi do të japë votën e tij për kandidatën e PS, e cila është drejt fitores pasi deri tani numëron 39090 vota.
Në vendin e dytë renditet kandidati i “Shtëpisë së Lirisë”, Ardian Muka dhe në fund kandidati i PD, Luan Hoti
Zgjedhjet e pjesshme vendore të mbajtura në 6 bashki të vendit ditën e dielë do t’i japin kandidatëve fitues një vit qëndrimi në postin e kryetarit të Bashkisë, derisa të mbahen zgjedhjet e tjera vendore në rang vendi. Nga rezultatet paraprake, PS ka fituar në 5 bashki: Durrës, Vorë, Rrogozhinë, Lushnjë e Dibër. Mbetet për tu parë nëse do e marrë dhe Bashkinë e Shkodrës apo do ia dalë të marrë fitoren Bardh Spahiu, i cili është “kokë më kokë” për votat e fundit me kandidaten e PS Majlinda Angoni.
Top Channel
