Katër persona janë arrestuar ne Tiranë dhe një tjetër është vënë nën hetim, pasi akuzohen për vepra të ndryshme penale.
Policia bën me dije se u ndalua 36-vjeçari B.B., pasi në periudha të ndryshme kohore, me anë të mashtrimit, i ka marrë shtetasit B. L., 41 vjeç, një shumë të konsiderueshme parash.
Po ashtu, specialistët për Hetimin e Krimeve në Komisariatin e Policisë Kavajë bënë ekzekutimin e vendimit penal për Naim Lulin, 58 vjeç, pasi nga dënimi me 14 vjet burgim që i caktuar Gjykata e Rrethit Gjygjësor Tiranë, për veprat penale “Vrasja me paramendim”, e kryer në bashkëpunim dhe “Prodhimi dhe mbajtja pa leje e armëve luftarake dhe municionit”, i ka mbetur për të vuajtur edhe 1 vit burg.
Dy persona të tjerë u arrestuan, A. T., 44 vjeç dhe P. Gj., 29 vjeç, pasi u kapën duke drejtuar mjetin në gjendje të dehur.
Edhe një 57-vjeçar A.T., ra në pranga për veprën penale “Shkelja e rregullave të qarkullimit rrugor”, si dhe u vu nën hetim E. V., 51 vjeçe, për veprën penale “Veprime që pengojnë zbulimin e së vërtetës”, pasi shtetasi A. T., duke drejtuar mjetin e tij, ka përplasur motomjetin me drejtues shtetasin B. K. dhe pasagjer shtetasin Xh. Z., të cilët janë jashtë rrezikut për jetën, ndërsa shtetasja E. V., ka pohuar se mjetin e drejtonte ajo.
Top Channel
