Artizanët në Elbasan/ Tradita që trashëgohet ndër breza, nismë për të promovuar të rinjtë
13/04 20:27
Një tjetër person nga Kameruni u arrestua këtë të enjte nga policia si bashkëpunëtor i shtetasit Jose Ngankam, i cili një javë më parë u kap në Rinas me një milion euro të falsifikuara.
Në prangat e policisë ra shtetasi Zindine Foungue Nkeh, 44-vjeç, i lindur në Kamerun dhe banues në Paris, gjithashtu është shpallur në kërkim edhe një person tjetër, identiteti i të cilit nuk bëhet me dije për shkak të hetimit.
Theksojmë se këta dy shtetas në bashkëpunim me njëri-tjetrin kanë tentuar të fusin në qarkullim në territorin e republikës së shqipërisë rreth 1 milion Euro, kartmonedha të cilat i janë sekuestruar shtetasit Jose Ngankam.
Në një njoftim për mediat, policia tha se falë operacionit të koduar “Lastra”, u bë arrestimi në flagrancë i shtetasit kamerunas Josoue Ngakam, 53 vjeç, me leje qëndrimi në një nga vendet e Bashkimit Evropian.
Gjatë kontrollit nga shërbimet e Policisë, në bagazhet e këtij shtetasi janë gjetur sasi të konsiderueshme kartëmonedhash të dyshuara të falsifikuara dhe lastra (letra që përdoren për të prodhuar kartëmonedha të prerjeve të ndryshme).
Në cilësinë e provës materiale, u sekuestruan 1 milion e 75 mijë euro të dyshuara të falsifikuara, lastra, letër speciale për prodhimin e kartëmonedhave euro dhe një aparat celular.
Materialet i kaluan Prokurorisë Rrethit Gjyqësor Tiranë për veprën penale të parashikuar nga neni “Falsifikimi Monedhave”.
Top Channel
