![](https://top-channel.tv/wp-content/uploads/2024/09/MixCollage-07-Sep-2024-05-33-PM-5997-800x450.jpg)
Një 50-vjeçar i identifikuar me inicialet D.J., ka rënë në prangat e policisë së Korçës pasi u kap duke kryer aktivitetin e paligjshëm të lojërave të fatit.
Në kuadër të operacionit policor të koduar “Basti i fundit”, u bë arrestimi i 50-vjeçarit, banues në fshatin Cipan, Devoll.
Shërbimet e policisë, gjatë kontrollit të ushtruar në lokalin e tij në fshatin Çipan, tek i cili ky shtetas ushtronte aktivitetin i pa regjistruar në organet përkatëse, gjetën e sekuestruan në cilësinë e provës materiale 1 aparaturë elektronike që dyshohet se përdorej për vendosjen e lojërave të fatit të palejuara.
Materialet i kaluan Prokurorisë së Rrethit Gjyqësor Korçë për veprat penale “Fshehja e të ardhurave”, “Ushtrimi i një aktiviteti tregtar të paligjshëm ose të paregjistruar në organet tatimore” dhe “Organizimi ose ushtrimi i veprimtarive të lojërave të fatit në kundërshtim me ligjin”.
Top Channel