Rusia nuk pranon të marrë pjesë në takimin e paqes me Ukrainën në Zvicër, Moska: Nuk jemi të interesuar 03/05 07:13
Incidenti i Turqisë u përsërit sërish për Ursula von der Leyen, vetëm se këtë radhë, shkaktari i situatës së sikletshme në të cilën u gjend kryetarja e Komisionit Europian, ishte ministri i jashtëm i Ugandës.
Ky i fundit e ka injoruar haptazi zyrtarën e lartë europiane gjatë një takimi me të, presidentin e Këshillit Evropian, Charles Michel dhe presidentin e Francës, Emmanuel Macron.
Von der Leyen përshëndeti kryediplomatin e Ugandës, Abubakhar Jeje Odongo, por ai nuk
kaloi pranë saj dhe shkoi të shtrëngonte duart me dy burrat përballë. Pas përshendeti Michel dhe Macron, ministri u angazhua në një bisedë me të dy.
Më pas, ndaloi për foton protokollare dhe as që ia hodhi sytë Von der Leyen.
U desh një përpjekje nga Macron që bëri shenjë në drejtimin e saj për të tërhequr vëmendjen e Odongo te presidentja e Komisionit.
Më pas ai shkëmbeu fjalë për pak me të dhe u largua. Incidenti nxiti menjëherë tërhoqi krahasime me episodin e prillit të vitit të kaluar, të pagëzuar si ‘Sofagate’.
Asokohe, gjatë vizitës në Turqi së bashku me Michel, kur u takuan me presidentin Rexhep Tayyip Erdogan, zyrtaren e lanë të ulur vetëm në divan ndërsa Erdogan dhe Michel i kishin karriget pranë njëri-tjetrit.
Top Channel
