Kryetarja Bashkisë Durrës, Emiriana Sako këtë të hënë ka parë nga afër përfundimin e rikonstruksionit të rrugës së “Demëve”, e cila ka një gjatësi prej 1,230 metra dhe gjerësi 3.5 metra.
Në një shënim në rrjetin social Facebook, Sako thotë se kjo rrugë u shërben 1,700 banorëve të kësaj zone.
Ajo tregon se kur u takua më këta banorë kërkesa kryesore e tyre ishte rikonstruksioni i këtij segmenti rrugor që tashmë ka përfunduar.
“Mbajtëm fjalën e dhënë përpara banorëve të kësaj zone për rikonstruksionin e rrugës ashtu siç kemi mbajtur të gjitha angazhimet që kemi marrë përpara të gjithë qytetarëve sepse dera e bashkisë ka qenë, është, dhe do të jetë e hapur për të gjithë ju, me vullnetin për të dëgjuar problemet e gjithësecilit e më dëshirën dhe detyrimin për ti shërbyer çdo qytetari të Ishmit, Manzës, Katundit të Ri, Sukthit, Rrashbullit e Durrësit në mënyrë të barabartë siç kam bërë deri më sot”, shkruan ajo.
Top Channel
