Ndodhej pranë brigjeve të Venezuelës, SHBA-të sekuestrojnë anije në ujërat ndërkombëtare 20/12 22:03
Pesë djem nga 17 deri në 21 vjeç po hetohen për përdhunim në grup të një 18 vjeçareje në Udine në veri të Italisë. Një prej të hetuarve është ish-i dashuri i vajzës dhe të tjerët miq të tij italianë.
Në dëshminë e dhënë nga babai i vajzës për të përditshmen Corriere della Sera e La Repubblica, burri i paidentifikuar publikisht tha se ishte konfrontuar me të akuzuarit menjëherë pasi vajza u kthye te familja dhe i tregoi çfarë kishte ndodhur.
«Ne po ktheheshim nga plazhi, unë isha ende me robabanje dhe me shapka, nuk e kisha celularin me vete”.
“Doja të thërrisja policinë por pas një çasti pasigurie i kërkova time bije të më shoqëronte te apartamenti. Trokita dhe i rashë ziles por nuk mora përgjigje kështu që e hapa derën me goditje shpatulle”.
“Djemtë i gjetë të mbyllur në banjo duke u lutur e duke më kërcënuar seo do të thërrisnin policinë, e kuptova se isha para njerëzve pa vlerë. I lashë, bëra siç më këshilluan të tjerët dhe prita deri në ardhjen e policisë”, thotë babai i vajzës.
Avokati i djemve tashmë thotë se vajza “kishte pranuar” marrëdhënien seksuale me grupin, ndërsa babai i vajzës pritet të denoncohet për shkelje të pronës private .
Ai thotë: «Nuk shqetësohem për këtë, dhe as nuk do të kisha bërë drejtësi vetë. Bija ime erdhi në plazh dhe ishte e tronditur, unë nuk e kisha celularin për të thërritur policinë. Edhe kur erdhën oficerët, një prej tyre më tha ‘të kuptoj shumë mirë’ dhe unë u ndjeva më pak i vetmuar. Le ta zgjidhë drejtësia këtë”.
Top Channel
Ndodhej pranë brigjeve të Venezuelës, SHBA-të sekuestrojnë anije në ujërat ndërkombëtare 
