Pentagoni, 1 miliard dollarë ndihmë të re ushtarake për Ukrainën 23/04 22:37
Kryeministri i Mbretërisë së Bashkuar Boris Johnson dhe presidenti amerikan Joe Biden ranë dakord se ka ende një “dritare vendimtare për diplomacinë dhe për Rusinë që të tërhiqet nga kërcënimet e saj ndaj Ukrainës”, gjatë një bisede telefonike sot.
Udhëheqësit e SHBA-së dhe Britanisë së Madhe kanë thënë se nuk ka humbur çdo shpresë për një zgjidhje diplomatike të krizës në Ukrainë, por paralajmërojnë se situata mbetet e brishtë.
Në një telefonatë 40-minutëshe, Joe Biden dhe Boris Johnson ranë dakord që një marrëveshje ishte ende e mundur pavarësisht një kori paralajmërimesh për një veprim të afërt ushtarak rus.
Rusia gjithmonë ka mohuar planet për të pushtuar Ukrainën, pavarësisht se grumbullon më shumë se 100,000 trupa në kufi.
Të hënën, ministri i jashtëm i saj tha se diplomacia ishte “shumë të shteruar”.
Shumë shtete u kanë kërkuar qytetarëve të tyre të largohen nga Ukraina dhe SHBA-ja ka thënë se bombardimet ajrore mund të fillojnë “në çdo kohë”.
Por në bisedën e tyre presidenti amerikan Joe Biden dhe kryeministri i Mbretërisë së Bashkuar Boris Johnson thanë se ata mbetën një “dritare vendimtare” për diplomacinë, sipas një deklarate të Downing Street.
“Kryeministri dhe Presidenti Biden përditësuan njëri-tjetrin për diskutimet e tyre të fundit me liderët e tjerë botërorë”, thuhet në deklaratë.
“Ata ranë dakord se mbetet një dritare vendimtare për diplomacinë dhe për Rusinë që të tërhiqet nga kërcënimet e saj ndaj Ukrainës.
“Udhëheqësit theksuan se çdo inkursion i mëtejshëm në Ukrainë do të rezultonte në një krizë të zgjatur për Rusinë, me dëme të gjera si për Rusinë ashtu edhe për botën”, shtohet në deklaratë.
Johnson pritet të mbajë një takim me Cobra të martën për të diskutuar përgjigjen e MB ndaj presioneve.
Top Channel
