Makina e parë fluturuese bën udhëtimin e parë në Sllovaki! 25/04 07:35
Prezantuesja televizive Cathy Hummels, bashkëshorte e ish-kapitenit të kombetares se Gjermanisë, Mats Hummels, ka thënë së fundmi se është “mirënjohëse” që është gjallë, pasi i mbijetoi një grabitjeje brutale në një plazh të Tailandës.
34 vjeçarja që ka qenë e martuar me kampionin e botës në vitin 2015, ishte sulmuar pasi kishte mbaruar punën me spektaklin televiziv “Reality Stars” që po zhvillohet atje.
Modelja që është ndarë tashmë nga mbrojtësi i skuadrës së Borussia Dortmund, ishte goditur në kokë dhe ishte detyruar t’i jepte celularin e saj një prej grabitësve.
Cathy, e cila është nënë e një fëmije ishte duke xhiruar prej tre javësh në Phuket, kur momentet e fundit nxorri celularin për të bërë një foto.
Por papritur një burrë e goditi atë nga rpapa në kokë, duke e bërë të rrëzohej përtokë.
Ajo tha për të përditshmen gjermane Bild : “I thashë merrni ç’të doni vetëm më lini të jetoj”.
Grabitësit kishin marrë celularin e saj dhe ishin larguar, ndërsa Cathy u kthye në dhomën e saj të hotelit për të informuar policinë dhe të afërmit.
Po atë natë ajo ishte nisur me avion drejt Dubai ku është ende duke u rekuperuar nga dhimbja e kokës dhe një plagë rrëzimi në ije.
Ajo tha më tej: “Jem e lumtur që jam e gjallë, vetëm kjo më vjen në mendje. Nëse një burrë vjen nga prapa meje unë dridhem, trembem shumë. Mendërisht besoj se jam e fortë por nuk do ta harroj atë moment në plazh për gjithë jetën time”.
Modelja ka prezantuar më prë versionin gjerman të ‘reality show’ Love Island. Ajo u tha 665,000 ndjekësve në Instagram se mendimi i saj ishte për të birin Ludwig.
Policia në Tailandë konfirmoi se një sulmues kishte goditur me grusht një viktimë nga Gjermania dhe ishte larguar me celularin e saj, në incidentin e ndodhur në plazhin Phang Nga.
Policia tha se kishte tentuar të lokalizonte celularin por thanë se nuk mundën pasi “aparati ishte i fikur”.
Top Channel
