Infektimi me Covid është në rënie të dukshme edhe në Shqipëri.
Numri i rasteve aktive ka rënë gati 44% krahasuar me mesin e janarit kur mendohej të ishte piku i infektimit dhe po kështu ka rënie edhe pozitiviteti, pra rastet që rezultoi pozitiv karshi numrit të testimeve që kryhen.
Sipas epidemiologut Ilir Alimehmeti është momenti që komiteti teknik i ekspertëve të lirojë masat sikundër po ndodh në shumë vende të Europës.
Sidomos heqja e kufizimit të lëvizjes, e cila aktualisht është nga ora 6 e mëngjesit deri në orën 23:00. Ndërkohë që mund të lihet si kufizim vetëm për klabet e natës ku grumbullimet janë të mëdha. Një arsye tjetër përse komiteti duhet ti shfuqizojë është se askush nuk i respekton, pra thjesht kanë mbetur në letër. Një tjetër tregues pozitiv me situatën Covid është se situata në spitale është e qëndrueshme, pra nuk ka rritje sepse vaksinat kanë funksionuar.
Sipas Alimehmetit studimet kanë treguar se rezulton shumë efikase kombinimi i vaksinave.
Po cila rezultoi vaksina më efikase ndaj Omicron për të cilin u aludua se i shpërfill ato? Alimehmeti thotë se Sputnik ishte më i mirë se Pfizer.
Edhe pse në rënie mjekët insistojnë se askush nuk do të shpëtojë pa u prekur nga Omicron, madje për herë të dytë brenda një kohe të shkurtër, por me vaksinën e kalon si një grip i thjeshtë.
Top Channel
