E shkuara e errët e Laureta Zybës, me zë të dridhur e lot në sy rrëfehet në Për’puthen: Kam përjetuar ankth e stres

05/02/2022 21:15

Laureta Zyba është konkurrentja më e re e Për’puthen. Ajo është përfolur për të kaluarën e saj rreth 4 vite më parë, ku ra në prangat e policisë kosovare pasi u kap me tre persona që akuzoheshin për vrasje të kryera jashtë vendit.

Që kur u bë pjesë e programit, u komentua shumë për të shkuarën e errët dhe Laureta ka folur në puntatën e sotme të Për’puthen Prime. Me lot në sy dhe zërin që i dridhej, u shpreh se ka përjetuar ankth e frikë nga shkrimet në portale. Edhe motra e saj, Rrushja nuk ka mbajtur dot lotët.

Ndërsa gjatë rrëfimit, Laureta tha se gabimi më i madh për të ka qenë dashuria.

Laureta: Më keq e kam përjetuar tani se kur më ka ndodhur historia më parë. Është diçka që sfidat të bëjnë njeri më të fortë, më me karakter, por janë disa dhimbje që të shërojnë e të japin mësim. Këto portalet janë bërë jo vetëm stresin që ma kanë krijuar, ankthin, por dhe e kam një frikë.

Rrushja: Ka qenë javë shumë e keqe, por do të dalë e vërteta se si është motra ime, çfarë ka bërë motra ime. Është një njeri me zemër shumë të madhe. Më fal se kam shumë emocione.

Laureta: Gjëja më e rëndë është që ripërsëritja e historisë, e di ku kam ardhur dhe pse kam ardhur dhe e kam ndjerë ta heq këtë ankth brenda vetes se kam vite që po e përjetoj.

Rrushja: Merr frymë thellë, qetësohu.

Laureta: Njerëzit e gjallë gabojnë. Gabimi më i madh në jetën time ka qenë dashuria. Ajo është gjithçka kam përjetuar në atë kohë. Dhe fakti i ndodhisë dhe para gjyqit nuk më është trembur syri se e kam ndjerë veten të pafajshme se ndoshta gabova, por nuk është se jam ajo.

FOTO GALERI
2/9

Top Channel