Fletë arresti për Netanyahun, reagon ashpër Biden: Skandaloze! 20/05 22:40
Një burrë që denonconte Papën dhe Kishën Katolike ka ndërprerë sot audiencën e Papa Françeskut në Vatikan, para se të shoqërohej jashtë nga policia.
“Kisha nuk është ashtu siç e do Zoti,” tha mes të tjerash burri në anglisht, teksa u shoqërua jashtë nga dy policë të Vatikanit e një roje zvicerane.
“Zoti të refuzon ty At, ti nuk je një mbret”, tha burri, teksa u shoqërua jashtë pa rezistencë, teksa i lutej Papës në spanjisht dhe italisht për çështje të paditura.
Burri ishte ulur prapa shumicës së audiencës dhe u dëgjua të përmendte disa herë fjalën “maskë”. Incidenti ndodhi në fund të audiencës së përjavshme të kryepriftit, i cili më pas i kërkoi audiencës të lutej për burrin.
“Dëgjuam pak më parë një person që bërtiste, shante, kishte një problem. Nuk e di nëse ishte fizik, psikik apo shpirtëror, por është një vëlla i ynë në vështirësi”, tha Papa. “Prandaj dua ta mbyll duke u lutur për të, për vëllanë tonë që vuan. Njeriu po vuante prandaj bërtiste. Le të mos refuzojmë nevojat e këtij vëllai tonë”.
Top Channel
