Përfundon seanca në Gjykatën e Lartë lidhur me pretendimet e ish Presidentit Trump për imunitet absolut 25/04 21:57
Një superjaht i rrallë 170 metra i gjatë që mund të zhytet në ujë dhe të presë në bord anije të tjera, ka nisur lundrimin pas procesit 3-vjecar të konvertimit.
Barka unike e quajtur OK, ka në bord një fushë tenisi dhe ishte fillimisht një anije transporti në Japoni në 1982 para se të niste puna për transformimin e tij në një mjet ‘gjysmë zhytës’ në kantierin Karmarine në Turqi.
Dizanjatori Timur Bozca, i cili fitoi çmimin si i riu më i mirë i fushës në 2015, thotë se OK mund të zhysë në ujë 70 përqind të vetes së saj.
Anija ka një pishinë dhe është e rrethuar nga vetrata të xhamta, ka një kopsht botanik dhe një fushë tenisi.
Ajo lejon që të ftuarit e saj të presin në bord rreth 70 mjete më të vogla siç janë barkat 30-metroshe, avionë uji apo jahte të tjera, me ndihmën e vinçit të saj me fuqi 40 ton.
Mjeti mund të ulë nën ujë platformën e saj të mesme duke lejuar që ngarkesa të merret nga poshtë sipërfaqes së ujit.
Dhe kur kjo platformë lirohet nga mjetet e transportuara, ajo mund të kthehet në një fushë tenisi mbi det.
Dizanjatori Timur Bozca tha: “Mund të konfirmoj se mjeti është i vërtetë dhe ka nisur tashmë udhëtimin rreth botës”.
Ai shton: “Ne duam të krijojnë ndjesinë unike të një ishulli të pazbuluar në OK.”
“Ajo mund të zhysë 70 përqind të vetes së saj nën ujë, duke e bërë të lehtë ngarkimin e jahteve, avionëve të ujit apo mjete të tjera”.
Anija mund të presë 20 të ftuar me të gjithë komfortin e mundshëm, sipas Bozca.
“Me më shumë se 3,300 metra katrorë hapësirë në kuvertë, OK mund të akomodojë 70 mjete më të vogal si jahte, barka, mjete amfibe apo avionë uji”.
Pronari i mjetit dhe çmimi i tij ishin informacione konfidenciale, sipas zyrtarëve.
Top Channel
