VIDEO/ Tronditëse, babai detyron 6-vjeçarin të vrapojë “drejt vdekjes”, i mituri rrëzohet disa herë në palestër dhe… 02/05 21:59
Kremlini dënoi planet e Britanisë për sanksione kundër kompanive ruse që ndodhen në Britaninë e Madhe dhe u zotua se do të kundërpërgjigjej nëse do të linde nevoja.
Ministrja e jashtme britnaike Liz Truss tha se Londra do të prezantojë legjislacionin e sanksioneve të reja kundër “çdo kompanie të lidhur me Kremlinin dhe regjimin në Rusi”.
Komentet u dënuan nga zëdhënsi i qeverisë ruse. “Kjo është një deklaratë shqetësuese nga Londra, jo thjesht për kompanitë tona por për strukturën e financave ndërkombëtare”, tha Dmitry Peskov.
Ai shtoi se Londra po tregon paqëndrueshmëri në sjelljet e saj dhe quajti veprimin e fundit “sulm të hapur ndaj biznesit.”
“Qeveria britanike po kërcënon mes të tjerash biznesin e madh. Anglo-saksonët po përshkallëzojnë masivisht tensionet në kontinentin evropian”, shtoi Peskov.
Ai tha më tej se Rusia do të kundërpërgjigjet me “masat e saj nëse goditen kompanitë ruse ” pa dhënë më shumë detaje se si do të ndodhë kjo.
Top Channel
