Reforma në Drejtësi, Meta reagon sërish nga burgu: Jam krenar që kam kundërshtuar këtë grusht shteti! Qëllimi ka qenë… 15/11 22:53
Mbështetësi i ish-kryeministrit Sali Berisha, Belind Këlliçi i ftuar këtë të hënë në emisionin Open në Top Channel tha se deklarata shpallja e tij ‘non grata’ nuk është e përjetshme.
Ai thekson se për shumë politikanë që janë shpallur ‘non grata’ DASH i ka hequr nga kjo listë, ndërsa mori shembullin e kryeministrit të Indisë.
“Deklarata e DASH ka thënë se nuk shtrihen në kohë, primaret është e gjitha demokratike. Kryeministri i Indisë në 2005 u shpall ‘non grata’, iu refuzua hyrja në SHBA, por zoti Modi në 2014 u zgjodh si kryeministër i Indisë. Mund të shihni fotot edhe kur ishte ‘non grata’ në pritje zyrtare në Shtëpinë e Bardhë. Nuk e kam parë që ‘non grata’ shtrihet përjetë. Kjo përgjigje e DASH nuk e mbyll dosjen. Nuk do të gjeni fakte që ‘non grata’ është e përjetshme”, sipas Këlliçit.
Sekretari amerikan i shtetit Antony Blinken shpalli ish-kryeministrin shqiptar Sali Berisha dhe familjen e tij ‘non grata’ “për korrupsion madhor”.
Ish-kryeministri Sali Berisha këtë të hënë konfirmoi koalicionin me Lëvizjen Socialiste për Integrim (LSI) në zgjedhjet e pjesshme vendore duke e quajtur “Shtëpia e Lirisë”. Sipas tij, po negociohet edhe më partitë e tjera, të cilat duan të jenë pjesë e kësaj “shtëpie”.
Ai prezantoi ditën e sotme gjashtë kandidatët fitues për kryetar bashkie që do të garojnë në zgjedhjet e pjesshme të 6 marsit.
Top Channel
