Sulmet e Izraelit, ministri i Jashtëm Iranian: Një dështim i plotë, nuk shkaktuan asnjë dëm për ne 19/04 22:55
Kryeministri irlandez Micheal Martin deklaroi sot se ka ardhur koha për të qenë përsëri vetvetja, pasi njoftoi heqjen e pothuajse të gjitha masave kufizuese kundër COVID-19.
Njoftimi erdhi pasi kabineti irlandez nënshkroi planet për të hequr të gjitha rregulloret përveç përdorimit të maskave, izolimit dhe çertifikatave të vaksinimit për udhëtime ndërkombëtare, nga ora 6 e mëngjesit të së shtunës.
Punonjësit do të kthehen në zyra nga e hëna, ndërsa industria e mikpritjes do të kthehet në normalitet këtë fundjavë. Një raport nga Ekipi Kombëtar i Emergjencave të Shëndetit Publik (Nphet) ka këshilluar qeverinë se Irlanda e ka përballuar stuhinë Omicron dhe se të gjithë treguesit kryesorë janë stabilizuar dhe po shkojnë në drejtimin e duhur.
Në një fjalim drejtuar irlandezëve, Martin konfirmoi se programi i vaksinimit të irlandezëve përfshirë vaksinën përforcuesve e ka transformuar plotësisht situatën në vend. “Bazuar në këto të dhëna, ne kemi arritur në përfundimin se nuk ka më vend për arsyetim dhe justifikim që të vazhdohet me shumicën e kufizimeve tona të shëndetit publik.
“Prandaj nga ora 6 e mëngjesit e ditës së nesërme, shumica e masave të shëndetit publik me të cilat na është dashur të jetojmë deri më tani, do të hiqen”, tha Martin.
Top Channel
