Shembet vlera e Bitcoin/ Miliarda zhduken nga tregu i kriptovalutave pas rënies së papritur 9% (fotot)

21/01/2022 18:14

Tregu i kriptovalutave ka pësuar pak më parë një rënie dramatike duke zhdukur rreth 9 perqind të të gjithë vlerës.

Kriptomonedha Bitcoin shënoi rënien rekord prej 8.8 perqind në 24 orët e fundit, ndërsa valuta të tjera kishin rënie edhe më të mëdha, mes të cilave Ethereum, me 11.1 përqind.

Zhvillimi duket se vjen pas rritjes drastike të volumit të tregtimeve të sektorit, teksa njerëzit përpiqen të ‘heqin qafe’ kriptovalutat që zhvlerësohen, duke spekulluar per te perfituar sa me shume.

Volumi i tregut “kripto” para rënies ishte rritur me 113 përqind, sipas grupit gjurmues CoinMarketCap, shkruan britanikja Independent.

Rënia e fundit do të thotë se monedha bitcoin bie nën vlerën $40,000, të cilën shumë analistë e tregojnë si një faktor të rëndësishëm psikologjik të masës së dëmit.

Ky mund të jetë gjithashtu një sinjalizim se fenomeni i njohur si “dimri i kriptovalutave”, është i vërtetë.

Bitcoin kishte sivjet nisjen më të keqe të një viti me rënie të theksuar.

Performanca e dobët është në kontrast të thellë me shkëlqimin në fund të vitit të shkuar kur në muajin nëntor 1 Bitcoin preku vlerën e thuajse $70,000 – ndërsa tani është 44 përqind më poshtë rekordit.

Ekspertë optimistë thonë se Bitcoin dhe kriptovlautat e tjera do të ringjiten në nivelet e mëparshme, në formën e një mbrojtjeje kundër inflacionit.

Mirepo inflacioni ka qenë gjithsesi aktiv dhe çmimet e monedhave kripto kanë vijuar rënien.

FOTO GALERI
1/3
Tregu i kriptovalutave ka pësuar pak më parë një rënie dramatike duke zhdukur rreth 9 të të gjithë vlerës.

Top Channel