Nga dhunë ndaj nënës e gruas deri në përndjekje, policia arreston 5 persona në Tiranë (Detajet)
17/01/2022 10:28
Mot i paqëndrueshëm me shi dhe shkarkesa elektrike! Si do jenë temperaturat për sot 03/05 07:00
5 persona janë vënë nën prangat e policisë në Tiranë, si dhe një tjetër është proceduar penalisht, të cilët akuzohen për vepra të ndryshme penale.
Policia arrestoi shtetasin M. F., 20 vjeç, pasi ka ushtruar dhunë fizike ndaj nënës së tij.
Në pranga u vu edhe shtetasi S. K., 59 vjeç, pasi në mënyrë të vazhdueshme ka përndjekur shtetasen M. H., 46 vjeçe.
Specialistët për Hetimin e Krimeve në Komisariatin e Policisë Nr. 6 bënë arrestimin në flagrancë të shtetasit V. Z., 31 vjeç, pasi ka tentuar t’i djegë banesën ish të dashurës, dhe në mënyrë të vazhdueshme ka ushtruar dhunë psikologjike ndaj saj.
Specialistët për Hetimin e Krimeve në Komisariatin e Policisë Kavajë bënë arrestimin në flagrancë të shtetasit A. L., 30 vjeç, pasi ka ushtruar dhunë fizike dhe psikologjike ndaj bashkëjetueses.
Specialistët e Qarkullimit Rrugor bënë arrestimin në flagrancë të shtetasit O. Sh., 42 vjeç, pasi u kap duke drejtuar mjetin, në gjendje të dehur.
Specialistët për Hetimin e Krimeve në Komisariatin e Policisë Nr. 4 proceduan penalisht shtetasin R. L., 49 vjeç, pasi për motive të dobëta ka goditur shtetasen L. M., 50 vjeçe.
Materialet i kaluan Prokurorisë së Rrethit Gjyqësor Tiranë, për veprime të mëtejshme procedurale.
Top Channel
