E pazakontë! Profesori i Koresë së Jugut prodhon kokrra orizi me mish brenda! Synon të ndryshojë proteinat globale 17/06 10:29
Një burrë është arrestuar pasi është ngjitur dje me çekiç në dorë në fasadën e selisë kryesore të rrjetit BBC në Londër për të dëmtuar një skulpturë të artistit pervers Eric Gill.
Statuja e cila përfaqëson përsonazhet Prospero e Ariel nga drama e Shakespeare “Stuhia”, është krijuar në vitet 1930-të Eric Gill, i cili më pas është akuzuar se ka sulmuar seksualisht dy vajzat e tij të mitura. Ai ka vdekur në 1940 por cuditerisht nuk është hedhur poshtë zyrtarisht nga entet britanike.
Megjithë simbolikën e pretenduar, statuja që po sulmohej nga burri ka ne pamje një femijë te zhveshur, para një të rrituri.
Abuzimet seksuale të Gill dolën në dritë në vitet 1980-të, pas publikimit të një autobiografie që përdorte prova nga shkrimet private të artistit pedofil.
Prej atëherë statuja është bërë objekt kritikash dhe ka pasur shumë thirrje për heqjen e saj.
Policia u thirr dje kur burri u ngjit me shkallë në skulpturën rreth 4 metra të lartë mbi hyrjen e ndërtesës.
Në pamjet e publikuara të incidentit burri shihej që godiste vazhdimisht këmbën e një figure më të vogël të statujës.
Copa nga statuja binin prej ndërtesës së BBC teksa burri godiste statujën e Ariel e Prospero.
Dy burra përpiqeshin të negocjonin me të kur ai duhet të ndalonte goditjet për t’u çlodhur.
Një negocjator dëgjohet që i thotë: “Nëse zbret poshtë mund ta zgjidhim këtë”, por burri u përgjigj duke dënuar sjelljen e rrjetit BBC dhe të medias në përgjithësi.
Në statuja ai kishte shkruar fjalët ‘Koha për ta bërë ishte 1989’ si dhe sloganin ‘Në litar të gjithë pedofilët’.
Një zëdhënës i policisë tha: ‘Policia tha se ishin thirrur pasditen e të mërkurës pas raportimeve për dëmtime në statujën e hyrjes. Burri më pas kishte zbritur me ndihmën e zjarrfikësve rreth orës 20:45.”
Një zëdhënës i rrjetit BBC tha se incidenti ishte një ‘çështje në vijim e policisë’ dhe nuk pranoi të komentonte, shkruan Metro.co.uk
Statuja në fjalë është një nga dy vepra të Gill në ambjentet e BBC të instaluara në vitin 1933.
Artisti pedofil që ka vdekur në 1940 kishte abuzuar seksualisht dy bijat e tij dhe mbante shënime të perversitetit në ditaret e tij.
Kjo konfirmohet dhe në komentet biografike mbi të në muzeumin britanik ‘Tate’ ku mes te tjerash thuhet se burri “ka abuzuar seksualisht me bijat e tij, motrat dhe qenin”.
Që prej daljes në dritë të krimeve të Gill ka pasur thirrje për largimin e veprave nga ndërtesa e rrjetit televiziv. Një peticion prej 2,500 firmash është nënshkruar nga grupimi aktivist “38 Degrees”.
Top Channel
