Jo vetëm “ylli” i Milanit, Bayerni synon t’i “rrëmbejë” dy lojtarë Guardiolës 24/05 15:52
Barcelona mori vetëm një pikë në transfertën e Granadës. Sfida e La Liga-s përfundoi në barazim 1-1, teksa ekipi katalanas përfundoi me dhjetë lojtarë pas daljes me të kuq të talentit Gavi (79’).
Eric Garcia pësoi një lëndim në kofshë dhe u detyrua të largohej nga fusha në minutën e 54-t, duke i lënë vendin Clement Lenglet. Qendërmbrojtësi spanjoll i është nënshtruar sot kontrolleve të detajuara mjekësore.
21-vjeçari, i cili la Manchester City verën e kaluar për t’u transferuar në “Camp Nou”, ka dëmtuar bicepsin femoral të kofshës dhe do qëndrojë jashtë fushave të paktën pesë javë, duke humbur kështu finalen e Superkupës së Spanjës ndaj Real Madrid.
Një lajm i keq ky për Xavin, i cili humbet për disa ndeshje shërbimet e lojtarit titullar. Trajneri i Barcelonës shpreson ta ketë të gatshëm Eric Garcia për takimin kundër Napolit në Europa League (17 shkurt).
Top Channel
