Në prag të protestës së 26 nëntorit, Berisha: Nesër do të kryejmë nderime në vendin ku u vra Martin Cani
24/11 20:58
Ish-kreu i Partisë Demokratike, Sali Berisha gjatë fjalës së tij në 31 vjetorin e themelimit të PD-së dega Gjirokastër u bëri thirrje demokratëve që të mos bëhen skllevër të Lulzim Bashës.
Sipas ish-kryeministrit i gjithë skenari i krijuar në selinë e PD-së është i Edi Ramës, i cili ka marrë peng kreun aktual të PD-së.
Ai u bëri sërish thirrje qytetarëve që të jenë pjesë e protestës së organizuar më 8 janar, ku sipas Berishës, pas kësaj date selia e PD do të kthehet në shtëpinë e demokratëve të lirë
“Ju bëj thirrje të mos mashtroheni, nuk është çështje zyrash, nuk është çështje personash, ata që duhet t’jua paraqesin ju, ata janë avokatë, janë mercenarë të antivlerave, çështja dhe beteja që po zhvillohet është vetëm një. Përparimin më themelor të demokracisë, a do të qeverisë shumica, apo pakica mbi dhunë mbi shumicën. Ato janë akte historike pabesie. Ai nuk do të pranojë vendimin tuaj jo të kësaj salle, por të 44 mijë anëtarëve të PD. Ky njeri i cili dy muaj më parë më thoshte se mua nuk më shkarkon kuvendi se më kanë votuar anëtarë, ai sërish thotë se nuk i njoh ata. Ai kërkon t’ju paraqesë dy mijë persona të mbledhur në një sallë përpara delegatëve. S’kemi të bëjmë me karrige, por do të vendosë pakica apo shumica. Edi Rama është regjisor kryesor i këtij skenari. Mos u bëni skllevër të një njeriu që ju blen dhe ju shet çdo ditë për interesat e veta. Më 8 janar do jetë rikthimi i selisë së PD në shtëpinë e demokratëve të lirë”, tha Berisha.
Data pesë janar ishte dita e fundit e afatit të vendosur nga Berisha që kryetari aktual i PD-së, Lulzim Basha të largohet nga posti, pasi sipas tij u shkarkua me votën e lirë nga 4446 delegatë të Kuvendit Kombëtar të PD-së, të datës 11 Dhjetor 2021 dhe nga 44 mijë anëtarë të PD-së, që morën pjesë në Referendumin e Partisë Demokratike të datës 18 Dhjetor 2021.
Basha jo vetëm që s’i është dorëzuar ultimatumit të vendosur, por ka vendosur që të blindojë selinë blu, duke mos lejuar anëtarët e Komisionit të Përkohshëm të Rithemelimit të Partisë Demokratike, mbështetës të Berishës të futen në seli.
Situata e ndërlikuar prej muajsh brenda PD-së, duket se nuk do të ketë një fund, ndërsa dita-ditës rëndohet.
Nga ana tjetër, sipas sekretarit të Përgjithshëm të Partisë Demokrati, Gazment Bardhi, protesta e thirrur nga Berisha është një thirrje për dhunë, që favorizon vetëm qeverinë, e drejtuar nga kryeministri Edi Rama. Sipas tij, Komisioni i Rithemelimit, që përbëhet nga Berisha dhe deputetët që e mbështesin atë, i shërben interesave personale të ish-kryeministrit.
Top Channel
