Ushtria e Nigerisë liron dhjetra pengje nga bandat në rajonin verior Zamfara (fotot)
23/05 18:13
Në Afrikën e Jugut po mbahet ceremonia shtetërore e varrimit të avokatit për drejtësi racore, kryepeshkopit Desmond Tutu.
“Kur ishim në errësirë, ai na solli dritë”, tha kryepeshkopi i Kanterberit, Justin Welby.
Me kërkesën e Tutus, funerali do të jetë i thjeshtë.
Tutu, që vdiq më 26 dhjetor në moshën 90-vjeçare, u kujtua në Afrikën e Jugut dhe në mbarë botën për korrektësinë e tij morale dhe për qëndrimet e tij parimore.
Presidenti i Afrikës së Jugut, Cyril Ramaphosa pritet që të mbajë një eulogji.
Tutu kishte fituar Çmimin Nobel për Paqe më 1984 për kundërshtimin e tij jo të dhunshëm të udhëheqjes në Afrikë të Jugut nga pakica kundër shumicës.
Pas përfundimit të aparteidit, ai kryesoi Komisionin për të Vërtetën dhe Pajtimin dhe u shndërrua në model edhe për vendet e tjera që po bënin përpjekje të ngjashme.
Komisioni ishte “një hapësirë ku viktimat mund të tregonin traumat e tyre dhe ta ndanin historinë e tyre me mbarë kombin”, kishte shkruar Tutu në raportin final të komisionit. Ky komision ishte krijuar “për të shërbyer si një dhomë për shërimin kombëtar, pajtimin dhe faljen”./REL/
Top Channel
