Shpërthen zjarri në depon e asfaltit në Irak! Raportohet për të zhdukur dhe plagosur
13/06 22:28
Qeveria e Afrikës së Jugut ka çuar në ankand çelësin e qelisë ku u burgos Nelson Mandela për gati 20 vjet.
Shtëpia e ankandeve me bazë në Nju Jork, Guernsey’s po organizon një ankand online në janar për të shitur disa nga artikujt më të rëndësishëm në jetën e Mandelës. Një prej tyre është çelësi i qelisë në ishullin Robben, i cili besohet se kushton mbi 1 milion.
Megjithatë, më herët të premten, Nathi Mthethwa, Ministri i Sportit, Arteve dhe Kulturës, u shpreh kundër ankandit. “Është e pakonceptueshme për familjen Guernsey, e cila e njeh historinë tonë të dhimbshme dhe simbolikën e çelësit, të marrë në konsideratë ankandin e saj pa u konsultuar më parë me qeverinë, autoritetet e trashëgimisë kulturore dhe Muzeun Robben Island,” tha ai.
“Ky çelës i përket popullit të Afrikës së Jugut nën kujdesin e Muzeut të Ishullit Robben dhe Shtetit të Afrikës së Jugut. Nuk është pronë personale e askujt. Çelësi duhet t’u kthehet pronarëve të ligjshëm me efekt të menjëhershëm dhe ky ankand duhet të ndalet,” shtoi Mthethwa.
“Jam në diskutime me Këshillin e Muzeut të Ishullit Robben, Ministrin e Drejtësisë dhe Korrigjimeve, Ronald Lamola dhe Këshillin e Trashëgimisë Kombëtare për të shqyrtuar hapat e duhur që duhen ndërmarrë për të ndaluar ankandin dhe për të siguruar që çelësi të kthehet në “Afrikën e Jugut”, tha ai.
Top Channel
