Në prag të protestës së 26 nëntorit, Berisha: Nesër do të kryejmë nderime në vendin ku u vra Martin Cani
24/11 20:58
Ndërsa protesta e thirrur nga Sali Berisha pritet të nisë sot në orën 16:00, Sekretari i Përgjithshëm i Partisë Demokratike, Gazment Bardhi, ka thënë se ish kryeministri e ka protestën e sotme kundër vizitës së Vuçiçit ndonëse është munduar të gjejë arsye të tjera.
Ndër të tjera shtoi se PD sot nuk ka thirrur protestë por kushdo është i lirë për të protestuar por flet me bindje se të gjithë duan largimin e regjimit të Edi Ramës.
Bardhi: Arsyet e protestës shtohen nga dita në ditë. Ajo që është njoftuar ka qenë kundër Vuçiçit, presidentit serb, i cili mbërrin sot në Tiranë. Cilido është i lirë për të protestuar kundër kujtdo që dëshiron, unë kam bindjen që i shtohen hallet përditë e orë pas ore, madje minutë pas minute duan largimin e regjimit të Edi Ramës. Arsyet për të protestuar, cilido i gjen vetë.
Sot PD nuk ka thirrur protestë. Berisha ka thirrur protestë kundër presidentit serb, ndërsa nuk është hera e parë që vjen. Arsyet pse zgjedh këtë herë të protestojë, do të duhet media të hetojë dhe verifikojë. Rrëmuja dhe vijimi i rrëmujës nuk i ndihmon demokratët, është në interes të vetëm një individi.
Top Channel
