Kush e përcakton se cili kandidat do të fitojë Shtëpinë e Bardhë? Fjalën e fundit e ka Kolegji Zgjedhor, si funksionon 04/11 22:57
Gazetari Top Channel Muhamed Veliu ka mundur të mësojë detaje nga ajo çfarë Gabriel Escobar ka diskutuar në takimin me Lulzim Bashën.
Escobar vizitoi Shqipërinë me 9 dhjetor, Ditën Ndërkombëtare Kundër Korrupsionit dhe në takimin që pati me kryedemokratin Lulzim Basha primare ishin çështjet që lidhen me anti-korrupsionin.
I dërguari i posaçëm i SHBA-së për Ballkanin Perëndimor u shpreh se lista e personave ‘non grata’ për Shqipërinë, pritet të shtohet në të ardhmen me personazhe të tjerë nga politika dhe fusha të tjera.
Në takimin që pati me kreun e PD-së Basha, Escobar ka dhënë detaje të reja për përgatitjen e dosjes nga DASH për ish-kryeministrin Sali Berisha.
Ai e ka konsideruar absurditet dhe çmenduri të thuhet se dosja ndaj ish-kryeministrit shqiptar është hartuar nga George Soros. Sipas tij, dosja, ka filluar të hartohet nga administrata e shkuar dhe kjo e tanishme amerikane.
“Askush në pozitën e Zotit Berisha në të shkuarën nuk ka mundur të avancojë më tej agjendat e veta” ka theksuar Escobar.
Ai ka theksuar se DASH do të punojë me institucionet shqiptare për të identifikuar biznesmenë që kanë vënë pasuri duke u ndihmuar nga politikanë të korruptuar”.
Ai e ka vënë theksin tek rëndësia që u jep DASH udhëheqësve të rinj në Ballkan dhe për një fakt të tillë ka marrë shembullin e Kosovës, ku Albin Kurti arriti të mundë estabilishmentin e vjetër në Kosovë.
Escobar do të takohet edhe me Kryeministrin Edi Rama, në këtë vizitë të parë që ai zhvillon në Shqipëri.
Top Channel
