Vaksina Pfizer/BioNTech neutralizon “Omicron-in” me tre doza
08/12/2021 16:36
Fëmijë me Covid 19 në spital/ Mjekët: Duhet pasur kujdes, të mos injorohen simptomat
09/08 15:17
Kompania amerikane Pfizer dhe partneri i saj gjerman BioNTech thanë të mërkurën se një regjim me tre doza i vaksinës së tyre arriti të neutralizojë variantin e ri Omicron gjatë një testi laboratorik.
Pfizer/BioNTech thanë gjithashtu se ata mund të prodhonin një vaksinë kundër Omicron-it në mars të vitit 2022, nëse ishte e nevojshme.
Sipas Pfizer/BioNTech-ut të dhënat tregojnë se varianti Omicron ishte neutralizuar me po aq efektivitet pas dozës së tretë, sikurse dy dozat kanë vepruar ndaj virusit origjinal të gjetur për herë të parë në Kinë, raporton VOA.
“Vaksinimi i plotë me dy dozat e para dhe bërja e dozës përforcuese, mbetet mënyra më e mirë për të parandaluar përhapjen e Covid 19-s”, tha në një deklaratë shefi i Pfizer-it, Albert Bourla.
Gjetjet janë gjerësisht në përputhje me një studim paraprak të publikuar të martën nga studiuesit e Institutit të Kërkimeve në Fushën e Mjekësisë në Afrikën e Jugut. Ata sugjerojnë se një injeksion i tretë i vaksinës Pfizer/BioNTech mund të ndihmojë në shmangien e infeksionit me Omicron.
Por sipas një analizë laboratorike të kryer në spitalin universitar të Frankfurtit në Gjermani, përgjigja me antitrupa ndaj Omicron-it ishte e ulët edhe pas tre injeksionesh.
Top Channel
