Intesa Sanpaolo Bank Albania vlerësohet si “Banka e vitit përgjatë 2021, për ndikimin në komunitet nëpërmjet veprimtarive bankare” nga The Banker

03/12/2021 15:10

Intesa Sanpaolo Bank Albania, pjesë e grupit Intesa Sanpaolo, është vlerësuar si “Banka e Vitit për Ndikimin në Komunitet nëpërmjet Veprimtarive Bankare”nga revista ndërkombëtare prestigjioze “The Banker”, (Grupi Financial Times).

Paneli i jurisë së çmimit u entuziasmuanga nismat, projektet, produktet dhe aktivitetet që Intesa Sanpaolo Bank Albania ndërmori për pezullimin e penaliteteve dhe tarifave përgjatë periudhës së pandemisë, duke mundësuar dhe përfitimin e lehtësirave në produkte financimi, duke ofruar edukim financiar, duke promovuar barazinë gjinoredhe duke vënë në dispozicion produkte kredie në mbështetje të grave sipërmarrëse.

Konkretisht, Intesa Sanpaolo Bank Albania ishte banka e parë në Shqipëri që ofroi moratoriume kredie për të gjithë individët dhe personat juridikë të prekur efektivisht nga pandemia; krijoi një plafond të dedikuar prej 50,000,000 Euro për personat juridikë me synim mbulimin e nevojave financiare afatshkurtra për kapital qarkullues, për të mbështetur zinxhirin e furnizimit dhe financimin e mëtejshëm të tregtisë.

Gjithashtu, mbështeti në mënyrë aktive ndërhyrjet e ndërrmara nga institucionet shtetërore me qëllim shpërndarjen e pagave për punonjësit e kompanive të prekura nga pandemia. Banka vazhdoi programin e Edukimit Financiar të fëmijëve duke iu përshtatur situatës së re, duke krijuar video të edukimit financiar të cilat u vunë në dispozicion përmes platformës mësimore online të përdorur nga shkollat në vend. Përmbajtja e videove u frymëzua nga Muzeu i Kursimit; një laborator multimedial i vendosur në Torino të Italisë, i specializuar në edukimin ekonomiko-financiar.

Për më tepër, Intesa Sanpaolo Bank Albania vazhdoi veprimtarinë e saj për mbështetjen dhe plotësimin e nevojave të grave sipërmarrëse, duke kontribuuar në fuqizimin ekonomik të grave nëpërmjet një programi të dedikuar si edhe duke u angazhuar në aktivitete të shumta që promovojnë barazinë gjinore.

Z. Alessandro D’Oria, Drejtori i Përgjithshëm Ekzekutiv (DPE) i Intesa Sanpaolo Bank Albania, deklaroi: “Mbështetjae nevojave të komunitetit u bë një prioritet ndërkombëtar në vitin 2021, kështu që vlerësimi i Intesa Sanpaolo Bank Albania si “Banka e Vitit për Ndikimin në Komunitet Nëpërmjet Veprimtarive Bankare” është një vlerësim ijashtëzakonshëm për Bankën tonë dhe njerëzit tanë. Ne zhvilluam në mënyrë proaktive mënyra për të mbështetur familjet dhe bizneset e prekura nga pandemia, vazhduam punën tonë për edukimin financiar të fëmijëve dhe për të mbështetur gratë nëpërmjet mjeteve financiare, edhe gjatë këtij viti të paprecedentë, duke konfirmuar edhe një herë përgjegjësinë tonë sociale si Bankë për vendin ku ne operojmë.”

Intesa Sanpaolo, me rastin e ndarjes së çmimeve “Banka e Vitit 2021”, mori edhe çmimin “Banka e Vitit në Itali”.

Rreth “The Banker”: “Për 95 vitet e fundit, The Banker ka ofruar inteligjencë në lidhje me bankat ndërkombëtare dhe tregjet e kapitalit. I konsideruar si standardi i industrisë për vlerësimin e bankave në nivel global që nga viti 1926, “Banka e Vitit” e The Banker është momenti i vitit që neshfrytëzojmë mundësinë për të njohur institucionet lider në botë. Është bërë një proces rigoroz dhe shumë analitik për të arritur çdo vendim të Bankës së Vitit dhe reputacioni ynë për pavarësi, autoritet dhe integritet zbatohet për çdo paraqitje. Më shumë banka aplikojnë për Çmimet e Bankës së Vitit se çdo proces tjetër i ngjashëm dhe qasja jonë në të dhënat për secilën bankë dhe fokusi ynë në transformimin, përfshirjen dhe diversitetin në industri janë të njohura. Gjyqtarët këtë vit kanë vënë theksin e vazhdueshëm se cilat banka kanë udhëhequr rrugën për të ndihmuar klientët dhe ekonominë e gjerë për të përmbushur nevojat e së ardhmes dhe cilat banka janë përshtatur më së miri për të vendosur rritje afatgjatë përballë një ndryshimi të tillë global.”

Rreth Intesa Sanpaolo Bank Albania: Intesa Sanpaolo Bank Albania, pjesë e Grupit Intesa Sanpaolo, është një bankë udhëheqëse në vend që ofron shërbime bankare cilësore, zgjidhje financiare, produkte dhe shërbime inovative për klientët e korporatave, klientët institucionalë dhe klientë me të ardhura të larta, bizneset e vogla dhe të mesme dhe klientët individualë. Ne inkurajojmë një stil të rritjes, i cili është i vëmendshëm ndaj rezultateve të qëndrueshme dhe krijimit të një procesi të bazuar në besimin që rrjedh nga kënaqësia e klientit dhe aksionarëve, një ndjenjë e përkatësisë nga ana e punonjësve tanë dhe monitorimi i ngushtë i nevojave të komuniteteve lokale. Ne konkurrojmë në treg me një ndjenjë të lojës së drejtë dhe jemi të gatshëm për të bashkëpunuar me subjektet e tjera ekonomike, publike dhe private, sa herë që është e nevojshme të forcojmë kapacitetin e përgjithshëm për rritje në ekonomitë e vendeve ku veprojmë. Intesa Sanpaolo Bank Albania bleu Veneto Bank në 2017 dhe tani ka një rrjet prej 35 degësh në qytete të ndryshme të vendit dhe do të vazhdojë të zgjerohet strategjikisht duke ndjekur nga afër zhvillimin ekonomik të Shqipërisë. Besimi, inovacioni, thjeshtësia dhe qëndrueshmëria përcaktojnë marrëdhëniet tona me klientët tanë dhe inovacioni i biznesit dhe përsosmëria e shërbimit frymëzohen nga klientët tanë.

Rreth Intesa Sanpaolo: Intesa Sanpaolo është një kompani e menaxhimit dhe mbrojtjes së pasurisë, banka lider në Itali dhe një nga grupet bankare më solide dhe fitimprurëse në Evropë. Ajo ofron shërbime bankare tregtare, të investimeve të korporatave, banka private, menaxhim asetesh dhe shërbime sigurimesh. Grupi Intesa Sanpaolo ka afërsisht 13.5 milionë klientë në Itali dhe 7.1 milionë klientë jashtë vendit përmes filialeve bankare tregtare në 12 vende në Evropën Qendrore-Lindore dhe Lindjen e Mesme dhe Afrikën e Veriut, si dhe një rrjet ndërkombëtar për të mbështetur klientët e korporatave në 25 vende. Intesa Sanpaolo njihet si një nga bankat më të qëndrueshme në botë dhe është e përkushtuar të bëhet një model referimi për sa i përket qëndrueshmërisë dhe përgjegjësisë sociale dhe kulturore. Intesa Sanpaolo mbështet projektet kryesore të përfshirjes ekonomike dhe reduktimit të varfërisë, duke përfshirë një fond ndikimi prej 1.5 miliardë eurosh për kredi për grupet sociale që luftojnë për të marrë kredi. Grupi ka një fond prej 6 miliardë eurosh të dedikuar për ekonominë rrethore. Grupi është gjithashtu i përfshirë thellësisht në iniciativat kulturore në Itali dhe më gjerë, me qëllim të ruajtjes, promovimit dhe ndarjes së trashëgimisë historike dhe artistike të Italisë, gjithashtu falë ekspozitave të përhershme dhe të përkohshme të organizuara në Galleri d’Italia, muzeumet e Intesa Sanpaolo të vendosura në Milani, Napoli, Vicenza dhe së shpejti Torino.

Top Channel