Bllokohen daljet në autostradë/ Fier-Lushnje, e gjithë rruga është mbyllur me barriera
03/12/2021 15:41
Mot i paqendrueshëm dhe me shi! Sot temperaturat do arrijnë deri në… 19/04 07:01
IKMT dhe ARSSH vazhduan punën edhe paraditen e së premtes për bllokimin e të gjitha hyrjeve përgjatë aksit Rotondo e Çermës -Lushnje.
Dy ditë më parë inspektorë të dy drejtorive njoftuan banorët për të marrë leje për daljen në këtë superstradë ndërsa sot ata kanë nisur bllokimin e të gjitha këtyre daljeve.
Për banorët ky aksion është i pa menduar mirë pasi ata nga sot nuk kanë ku të kalojnë dhe nuk kanë si zgjidhje as rrugën dytësore e cila mungon.
Naim Halili specialist pranë ARRSH thotë se ky është një projekt nga Banka Botërore dhe Banka Botërore nuk investon nëse nuk ndërhyhet për bllokimin e këtyre hyrjeve të cilat konsiderohen rrezik aksidenti.
Në këtë aks rrugor rreth 12 km janë gati 6 fshatra që rruga i ndan me tokat bujqësore.
Mungesa e rrugëve dytësore dhe nën kalimeve apo mbikalimeve bën që të izolohen dhe të pengohen në mbarëvajten e punëve të tyre.
Top Channel
