Gjashtë raste të reja me Covid në Kosovë/ MSH bën thirrje të respektohen masat kufizuese pas përhapjes së variantit “Omicron”

Pesë qytetarë të tjerë janë shëruar, ndërsa sipas Ministrisë së Shëndetësisë, aktualisht në vend numërohen 335 raste aktive.

Një ditë më herët, Ministria e Shëndetësisë paralajmëroi se gjatë javës së ardhshme do të rishqyrtohen masat kundër pandemisë.

Po ashtu, MSH-ja kërkoi nga qytetarët që të respektojnë masat në fuqi pas përhapjes së variantit të ri Omicron, i cili për herë të parë u identifikua në fillim të nëntorit në Afrikën e Jugut.

Raste me këtë variant janë raportuar edhe në disa shtete të Evropës. Ky variant besohet se është më i transmetueshëm sesa variantet paraprake.

Top Channel