Tirana mbetet në dorë të Refik Halilit, Gjykata pezullon ankandin deri në shqyrtimin e çështjes në themel 24/04 12:50
Është hedhur shorti për fazën Play Off në botërorit Katar 2022, teksa goglat janë treguar të pamëshirshme me Italinë e Portugalinë. Të dyja janë në të njëjtin grup dhe vetëm njëra prej tyre do t’ia dalë të shkojë në Katar, duke e bërë më emocionuese fazën Play off.
“Të kaltrit” do të sfidojnë Maqedoninë e Veriut në gjysmëfinale dhe më pas në finale do të përballen me fituesen e çiftit Portugali-Turqi, për të marrë një biletë për në Katar.
Plot 12 skuadra europiane do të marrin pjesë në fazën Play Off dhe vetëm 3 prej tyre do të sigurojnë një biletë për në Katar 2022. Sistemi i Play Off-it organizohet në 3 grupe me 4 skuadra, të cilat përballen dy e nga dy në gjysmëfinale dhe fitueset sfidohen në finale për një biletë.
Gjysmëfinalet e Play Off-it të Katar 2022 do të luhen më 24 mars, ndërsa 5 ditë më vonë, do të luhen finalet, ku edhe do të përcaktohen tre skuadrat e fundit që do të garojnë në Botërorin e ardhshëm.
Grupi A
Skoci-Ukrainë 24 Mars
Uells-Austri 24 Mars
Finale: Fitueset në Uells ose Austri 29 Mars
Grupi B
Rusi-Poloni 24 Mars
Suedi-Republika Çeke 24 Mars
Finale: Fitueset në Rusi ose Poloni 29 Mars
Grupi C
Itali-Maqedoni e Veriut 24 Mars
Portugali-Turqi 24 Mars
Finale: Fitueset në Portugali ose Turqi 29 Mars
Top Channel
