Kush e përcakton se cili kandidat do të fitojë Shtëpinë e Bardhë? Fjalën e fundit e ka Kolegji Zgjedhor, si funksionon 04/11 22:57
Shpyllëzimi në pyjet tropikale të Amazonës në Brazil, të konsideruar ndryshe dhe si “mushkëria e botës”, ka arritur nivelin më të lartë të regjistruar ndonjëherë në 15 vjet.
Një raport i Agjencisë braziliane të Kërkimit Hapësinor tregoi se brenda një viti, shpyllëzimi u rrit me 22%. Brazili është në mesin e disa vendeve që premtuan t’i japin fund shpyllëzimit deri në vitin 2030.
Këtë zotim, drejtuesit e tij e morën gjatë samitit të klimës që u mbajt këtë muaj në Glasgow të Skocisë.
Amazona është shtëpia e rreth tre milionë llojeve të bimëve dhe kafshëve dhe një milion banorësh indigjenë.
I gjithë ky rajon është një grumbullues jetik i karbonit, çka bën që të ngadalësohet ritmi i ngrohjes globale.
Por sipas të dhënave të fundit, rreth 13,235 km katrorë pyje atje janë zhdukur vetëm gjatë vitit të fundit, hapësira më e madhe që humbet që prej 2006-ës.
Ministri Brazilian i mjedisit e pranoi se shifra të tilla përbëjnë një “sfidë” të vërtetë për qeverinë.
Shpyllëzimi i Amazonës është rritur ndjeshëm që kur postin e presidentit e mori Jair Bolsonaro, i cili thuhet se i ka inkurajuar aktivitetet bujqësore dhe minerare në këtë zonë.
Top Channel
