“Jo më verifikim faktesh në Instagram dhe Facebook”/ Gjermania dhe BE kundër vendimit të ‘Metës’, kërkojnë kontroll të rrjeteve sociale 12/01 11:50
Aswan, Egjipt, është një nga qytetet më të thata në botë, ku pothuajse nuk bie kurrë shi. I vendosur përgjatë lumit Nil dhe shtëpia e më shumë se 1.5 milion banorëve, ai ka mesatarisht vetëm 3 milimetra shi në vit.
Por gjatë fundjavës rrebeshe të forta dhe breshër u përplasën mbi këtë qytet dhe rajonin përreth, duke shkaktuar përmbytje, ndërprerje të energjisë elektrike, mbyllje të shkollave si dhe tre të vdekur.
Sipas Ehab Hanafy, nënsekretar i Ministrisë së Shëndetësisë, shirat sollën dhe një tjetër problem të paparashikuar: një vërshim akrepash tejet helmues, thumbimet e të cilëve çuan 503 persona në spital.
Hanafi sqaroi megjithatë se tre vdekjet ishin “për shkak të aksidenteve të lidhura me stuhinë” dhe ” jo për shkak të pickimeve”.
Guvernatori i Aswanit Ahsraf Attia tha për Associated Press se personave të pickuar nga akrepat që nisën t`u hyjnë njerëzve nëpër shtëpi, kanë në spital doza anti-helmi.
Gazeta egjiptjane Al-Ahram, raportoi se mjekët u thirrën nga pushimet për të ndihmuar me situatën e rënduar që u krijua.
Akrepët priren të gërmojnë gjatë pjesës më të nxehtë të ditës poshtë shkëmbinjve, drurëve apo mbeturinave të ndërtimit, por stuhitë e forta dhe reshjet e dendura të shiut kanë bërë që ata të dalin nga vendet e tyre të fshehta, ndërkohë që mësohet se pas reshjeve, kanë lëvizur edhe shumë gjarpërinj.
Top Channel
